|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
Толерантна младина
Младите се во фокусот на нивните проекти
Здружението на граѓани „Толерантна младина” е непартиска и непрофитна организација формирана во 2001 година во Дебар, со цел да придонесе кон градењето мир и стабилна демократска заедница за сите граѓани, заснована врз принципите на владеењето на правото и социјалната благосостојба, преку промовирање на вредностите на демократијата, човековите права, толеранцијата, интеркултурализмот, мирот и мирното решавање на конфликтите.
Организацијата работи во насока на развој на граѓанското општество, стимулирајќи дијалог меѓу поединци и групи со различни ставови и мислења коишто ќе најдат во овој процес заеднички интерес за изградбата на демократско и мирно општество, како и културна размена и соработка, придонес кон помирување на спротивставени групи и поединци со употреба на методи за мирно и ненасилно решавање конфликти и градење релаксирани односи во заедницата, создавање атмосфера за меѓусебно разбирање и почитување на разликите, како и отстранување на сите видови предрасуди, омраза, нетрпеливост и диксриминација врз основа на полот, верата, националноста, расата и др. Толерантна младина работи на зајакнување на капацитетот на младите, поттикнувајќи ги да ја искористат нивната креативност во зачувувањето на позитивните вредности и да земаат активно учество во градењето мир во општеството, како и во основање мрежа на граѓански организации од сличен карактер поради поефикасно дејствување во општеството.
Во текот на изминатите години организацијата има спроведено бројни активности поврзани со младите од
Дебар, како што се дебатни младински емисии на радио, изложби, проекти од здравството, образованието итн. Во јануари, годинава „Толерантна младина” започна да спроведува два проекти: „Банка на идеи”, со кој се планира отворање центар за промовирање на потенцијалниот капацитет на бизнис-секторот за поттикнување на инвеститорите за развој на општината, и „Со едукација до вработување”, во чии рамки ќе се едуцираат 45 млади невработени лица на возраст од 18 до 30 години од единиците на локалната самоуправа од општините Дебар и Центар Жупа, во период од шест месеци за маркетинг-истражување и планирање, финансиско работење - книговодство, односи со јавноста итн. „Толерантна младина” соработува со поголем број организации од Македонија, од општината Дебар, како и со организации од Албанија и од Бугарија.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
