НВО ФРОНТ 21/42

Зелен фронт зо борба против тероризмот врз планетата Земја 

Ние не ја наследицвме ЗЕМЈАТА од нашите родители туку ја позајмуваме од нашите деца 

“ Координатите 21/42 се планетарната адреса на Скопје - вкрстување на напоредник и меридијан. Оттаму, Фронт 21/42 е ини­цијатива за отворање зелен фронт на оваа адреса во борба против тероризмот на чо­­ве­ко­вата раса против планетата Земја. Тоа е отворен повик до сите разбудени да создадат фронтови на своите планетарни адреси” - вака накусо гласи преставува­ње­то на Фронт 21/42, граѓанска организација која­што постои од јануари 2005 година, како ре­ализација на една спонтана идеја на група пријатели со заеднички интереси, во обид да се сменат работите и нештата што не им се допаѓаат. “Нив ги има многу”, ни спомена Искра Стојковска, претседател на ГО Фронт 21/42, но како главни непријатели се сметаат принципот на пот­ро­шу­вачкото општество, “земаш од природата, употребуваш и фрлаш”; не­ма­ње­то  основна свест дека припаѓаме на еден огромен систем во којшто секој влијае на с$; немањето почит кон тој систем, од­носно егоцентричноста на човековата раса и создавање мини депонии на секој чекор. 

Методите на борба на оваа граѓанска организација се базирани врз  принципот “3Р”, односно редуцирај, рециклирај и реупотреби. По тој принцип е реализиран проектот Круг, проект за одржлив развој составен од повеќе сегменти. Во сегментот Ревизија годинава се одржани три предавања за принципите на 3Р во современата архитектура и современиот дизајн во соработка со Елизабета Аврамовска, професор по пластично обликување на Ар­хи­тек­тонскиот факултет во Скопје. Предавањата се проследени со голем интерес кај студентите и по конкурсот за практична при­мена на тема “Светлосни тела”, во соработка со Прохелвеција, беа изложени 30 пред­мети во галеријата Прес ту егзит. Веќе е упатена покана до Фронт 21/42 предавањата и конкурсот да се одржуваат секоја година, со намера Круг да прерасне во тим на креативни луѓе кои ќе создаваат умет­нич­ки дела на принципите 3Р, односно ќе соз­даваат уметнички дела од “ѓубре”. Тимот ќе биде од отворен карактер и секој што е заинтересиран ќе може да се зачлени. По повод Денот на планетата Земја, на 22 април 2005 Фронт 21/42 спроведе кампања против пластичните ќеси за една употреба со промоција на платнени торби за по­ве­ќе­крат­на употреба со наслов “Јас сум против најлонски кеси”, реализирана низ супермаркетите во Скопје во соработка со ме­ѓу­на­родните училишта НОВА.

“Одржлив развој - одржлива економија” е проект којшто Фронт 21/42 го организираше на покана на Американската стопанска комора во Американското катче во Скопје, кој содржеше и предавања на тема “Разлики меѓу регуларната и одржливата еко­но­ми­ја”, проекција на филмот “Следната индустриска револуција” и дискусија. Во обид да го откриеме личниот поттик за фор­мирање ГО, Искра Стојковска ни одговори дека не­гри­жа­та е таа којашто води кон влошување на природната средина, а за да се спречат последиците, не се потребни пари, туку усогласување. Затоа организирањето во граѓански здруженија овозможува поединецот да ста­не фактор во општеството, да изврши влијание или да се обиде да промени нешто во него.