|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
Проекти на ЦИУ “Мултимедија”
Активно граѓанство и партиципативна културна политика
Центарот за изведувачки уметности „Мултимедија”, во рамките на своите програмски активности, во текот на февруари ја реализира третата работилница од проектот „Локални културни политики во РМ - Стратегии за културен развој”, како и регионалната дебата на темата „Жените и употребата на информациско-комуникативната технологија”.
Главната цел на проектот е дефинирање ефикасен систем на механизми во областа на културата кој би водел кон систематски културен развој на општините. Во проектот се вклучени општините Пробиштип, Струмица, Неготино, Дебар и Ресен. Третата работилница на темата „Активно граѓанство и партиципативна културна политика”, која се одржа од 18 до 20 февруари 2008 година во Неготино, беше наменета за претставниците на локалната администрација кои работат на полето на културата, претставниците од локалните културни институции и претставниците од локалните невладини организации.
Регионалната дебата на темата „Жените и употребата на информациско-комуникативната технологија (ИКТ)” се одржа на 22 февруари во Културниот центар „Точка”. Препознавајќи ја потребата од стекнување нови знаења и развивање на способностите за употреба на технологијата како предизвик за женската популација во информатичкото општество, „Мултимедија” ја организира дебатата со цел да се стекне увид во актуелните состојби на ова поле во нашиот регион.
За предизвиците со кои се соочуваат во Хрватска во однос на рамноправниот пристап кон ИКТ, Ѓурѓа Кнежевиќ, публицист, изјави дека се важни две работи. Пред се, тоа е политичката волја на претставниците на власта за вистинска, а не само за декларативна родова еднаквост, и втората работа е масовната едукацијата на општеството за ИКТ. Во дебатата учествуваа и Јорданка Петрушевска, веб-администратор и обучувач, и Ивана Драгшиќ, уметничка на нови медиуми.
Т.Д.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
