|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
Во организација на СОЖМ
Одбележан Денот на мајката
Сојузот на организациите на жените на Македонија (СОЖМ), на 15 мај 2005 год., во Македонскиот културен центар, со посебна програма, го одбележа Денот на мајката. СОЖМ и оваа година објави конкурс за детски творби за мајката составен од цртежи, песни и раскази изработени од децата во претшколските установи и основните училишта, во чест на нивните мајки. Притоа, најдобрите цртежи, песни и раскази, избрани од страна на комисијата, беа наградени.
Одбележувањето на Денот на мајката датира уште од времето на античките Римјани и Грци, притоа служејќи како начин да се нагласи мајчинството и неговата улога во семејството. Во 1908 год., во САД, поточно во Западна Вирџинија, Ана Јарвис ја започнала кампањата за етаблирање на националниот празник - Ден на мајката. Во 1914 година претседателот Вудроу Вилсон (Њоодроњ Њиллсон) официјално го прокламира Денот на мајките, кој денес се прославува во повеќе земји во светот.
Денот на мајките, за разлика од 8 март - Денот на жената, кога жените проговориле за своите права и својата улога во општеството, го свртува вниманието кон значењето на мајчинството и компактноста на семејството како основна клетка на општеството.
На овој ден децата имаа можност да ги израдуваат и изненадат своите мајки со скромни подароци и споделување на домашните обврски изразувајќи го посебното признание и почит за неизмерната љубов, грижа и посветеност во семејството. Освен СОЖМ, Денот на мајката го одбележаа и повеќе женски граѓански организации од целата држава.
Д.М.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
