|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
Здружение на децата без родители од Детските домови на Македонија
Децата без родители со писма бараат вработувања од фирмите
Здружението на децата без родители од Детските домови на Македонија „Иднина” започна самостојна акција за вработување свои членови со помош на Агенцијата за вработување која ќе комуницира со нив и со фирмите, а за да ги анимираат поголемите и добростоечки фирми, им испратиле и писма. Побарале по едно вработување за децата без родители, но, како што велат во „Иднина”, ќе бидат задоволни ако се вработат барем триесетина младинци, за што ќе им требаат и возачки дозволи. До нив, пак, ќе дојдат доколку обезбедат пари од акцијата што сега ја реализираат со активирањето на телефон за донации на Т-мобиле.
„Испративме писма до сите основни и средни училишта со цел да ги мотивираме и наставниците и учениците да донираат. Вакви писма адресиравме и до црквите и до полициските станици низ земјава, а собраните пари ќе ги искористиме за возачки испити. За трисетина младинци ќе испратиме биографии до повеќе фирми, за кои се надеваме ќе ни излезат во пресрет. Последниве четири години во различни компании, како ’Веро’, ЈП ’Паркови и зеленило’, ’Орка’, ’Тач’ и други со една ваква акција се вработија трисет деца”, вели Илија Јовановиќ, претседател на „Иднина”.
Здружението ќе испрати писма и до странските амбасади во земјава и се надева дека нивниот доброволен прилог ќе ја заокружи потребната сума за планираните 60 возачки испити.
Во прилог на идејатата на „Иднина” функционира и хуманитарен телефон за донации на Т-мобиле 070/143-123, на кој граѓаните со едно јавување ќе можат да донираат по 100 денари. Телефонскиот број ќе биде во функција до 25 декември годинава.
С.К.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
