|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
Граѓанските организации и процесот на евроинтеграција
Македонија недоволно ги користи фондовите на ЕУ
Македонија малку ги користи фондовите на ЕУ наменети за финансирање на граѓанските организации во земјава, заклучија учесниците на трибината на тема „Граѓанските организации и процесот на евроинтеграција - пристапност до фондовите на ЕУ” која се одржа на 19 јуни во Институтот за социолошки и политичко-правни истражувања.
Според претставниците на граѓанскиот сектор, во Македонија тешко се стигнува до информации, па неинформираноста е најголемата причина поради којашто за голем дел средства наменети за граѓанскиот сектор никој не аплицира и тие остануваат неискористени. Нивните искуства велат дека организациите имале пристап до парите од европските фондови најчесто само како партнери на невладини организации чие седиште е во некоја од земјите-членки на ЕУ.
Европската комисија секоја година управува и распределува речиси 12 милијарди евра помош секоја година. Од тоа ЕУ има обезбедено 0,666 милијарди евра помош за земјите од поранешна Југославија и за Албанија, најмногу во рамките на КАРДС-програмата, која со ЕИДХР се најзначајните програми за финансирање на здруженијата на граѓани од регионот. Преку КАРДС-програмата во периодот 2002-2004 година во Македонија биле распределени 3 милиони евра, а за тековниот периодот 2005-06 година се предвидени уште 1,5 милиони евра наменети претежно за демократизација и владеење на правото и подобрување на меѓуетничките односи.
Тања Хафнер Адеми од МЦМС истакна дека недоволниот пристап на Македонија до европските пари пред с$ се должи на актуелниот општествено-политички контекст во земјата, односно на тоа дека Македонија неодамна стана земја-кандидат за членство во ЕУ, но тоа практично се уште се нема одразено на зголемување на нејзината пристапност до фондовите на Унијата. Европската комисија сега преговара за нова буџетска рамка за 2007-2013, а од областите коишто како приоритетни ќе ги означи Владата на РМ ќе зависи во кои рамки ќе се слева помошта од ЕУ за земјава во идниот период.
Во годините што следуваат Македонија може да очекува помош од програмата ИПА, која ќе ја замени КАРДС. Според Хафнер Адеми, од земјите од регионот Македонија има најмалку граѓански организации вклучени во европските мрежи (двојно помалку од северниот сосед и за седум до десет пати помалку од западноевропските земји). Домашните организации, забележа Адеми, за да аплицираат за фондовите на ЕУ најпрво треба да знаат каде да ги бараат основните информации, за да ги добијат навреме истите. Внимание треба да се посвети и на размената на искуства, бидејќи процедурите и самите програми во себе содржат премногу барања за да се направи една програма, апликација или тендер. “Граѓанските организации во Македонија веќе имаат направено прв чекор кон тоа и со тоа прават свој придонес во интегрирањето на Македонија во ЕУ”, заклучи Хафнер-Адеми.
Распределбата и управувањето со фондовите на ЕУ во Македонија се врши преку Канцеларијата за европска помош, Делегацијата на ЕК и Европската агенција за реконструкција (ЕАР). Во рамките на националната програма КАРДС, ЕУ ја концентрира својата поддршка на здруженијата на граѓани преку приоритетите за демократизација и владеење на правото, што подразбира поддршка на проекти што имаат цел подобрување на меѓуетничките односи, демократизацијата и унапредување на граѓанското општество.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
