|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
Осмомартовска иницијатива
Насилството врз жените да се санкционира со посебен закон
Денот на жената, 8 Март, Сојузот на организациите на жените на Македонија годинава го одбележа со конференција одржана во Скопје, под насловот „ 8 Март поинаку”, и со започнување на кампањата „Нулта толеранција за насилството врз жените”. Конференцијата ја организира Националниот совет на жените во Р. Македонија, во соработка со Одделението за унапредување на родовата еднаквост при Министерството за труд и социјална политика, министерствата за правда и за внатрешни работи и НВО „За среќно детство”.
Споменатата кампања ќе трае една година и нејзиниот акцент ќе биде ставен на третманот на насилникот во семејството. Планирано е отворање интервенциски центри во кои со посебни програми ќе се работи со насилниците. Во рамките на кампањата ќе се иницира и донесување закон за семејно насилство со кој ќе се санкционира секој вид физичко и психичко малтеретирање на жените, со оглед на тоа дека засега единствените членови кои ги санкционираат овие постапки се содржани во Законот за семејство и во Казнениот законик, а тие се многу скудни. Во соработка со Министерството за внатрешни работи, планирано е спроведување проект за едуцирање на полицајците и социјалните работници кои постапуваат со жртвите на семејносот насилство, за начините на нудење помош и советување на жртвите. Најавена е изработка на единствена база на податоци за овој проблем, бидејќи засега секоја граѓанска организација или институција која се занимава со семејното насилство има свои податоци. Во рамките на кампањата треба да биде формиран и тим составен од доктор, социјален работник, психолог и полицаец кои ќе излегуваат на терен на секоја пријава за семејно насилство. Дел од кампањата е и соработката со Министерството за труд и социјална политика каде во тек е изработка на национален план за родова рамноправност, а еден негов посебен дел се однесува на насилството врз жената.
„Почитувањето, заштитата и исполнувањето на човековите права на сите нејзини граѓани, а во таа насока и зачувувањето на правото на жените да не бидат субјект на какво било насилство од која било личност, е приоритет и одговорност на националната политика на Македонија”, рече претседателот Бранко Црвенковски, на отворањето на конференцијата.
Дел од кампањата е и соработката со Министерството за труд и социјална политика каде во тек е изработка на националниот план за родова рамноправност во кој посебен дел се однесува на насилството врз жената.
С.Н.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
