|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
Информативен сервис за НВО и за граѓаните
Нов поттик во соработката со локалната самоуправа
Неодамна во Радовиш беше отворен Информативниот сервис за НВО и за граѓаните за соработка со локалната самоуправа. Тој претставува конкретен начин и метод за развој на соработката на граѓанските организации со локалната самоуправа во Радовиш.
Според претставниците на Информативниот сервис, еден од проблемите на граѓанските организации во Радовиш било непостоењето центар за поддршка на граѓанските организации, какви што има во соседните општини (Штип и Струмица), но и недоволната информираност и непостоењето инструмент за соработка, информирање помеѓу граѓанските организации и локалната самоуправа. „Локалната самоуправа досега не & даваше приоритет на соработката со граѓанските организации, ниту ги вклучуваше во креирањето на локалната политика и носењето одлуки”, вели Љупче Ефнушев, одговорен во Информативниот сервис. „Затоа сметавме дека има потреба од овој сервис преку којшто граѓанските организации и самите граѓани непосредно ќе комуницираат со локалната самоуправа”, додаде тој. Во Информативниот сервис очекуваат идната соработка со локалната самоуправа да придонесе за вклучување на граѓанските организации и јавноста во разрешувањето на проблемите во општината.
Граѓаните и граѓанските организации ќе можат да добијат информации за процесот на децентрализација во Радовиш, новиот начин на функционирање на локалната самоуправа, но и бесплатен простор за нивните активности, користење техничка опрема (компјутер, факс) и друго. „Очекуваме зголемување на транспарентноста и обемот на информации за работењето и надлежностите на локалната самоуправа”, вели Ефнушев, „а ние ќе направиме напори да го канализираме и организираме дејстувањето на сите граѓански организации од општината и подготвени сме да се соочиме со новите предизвици, односно со значајните прашања од интерес за сите граѓани во нашата општина”, додава тој.
Информативниот сервис делумно е поддржан од Амбасадата на Соединетите Американски Држави и е дел од Македонскиот центар за независна иницијатива.
Се наоѓа во просториите на СРЦ „25-ти Мај”, бул. „Александар Македонски” бб, Радовиш. Можете да контактирате на: тел. 032/634-711 или на е-пошта: is_radovis@yahoo.com.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
