|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
Нова мисија
Миле Стојкоски со инвалидска количка ќе оди до Пекинг
Сe се може кога се сака, вели една стара мудрост на нашите предци, врз која тимот на К15 го реализира ТВ спотот каде Цацко, Миле и Тошо играат кошарка со Миле Стојкоски, и покрај тоа што тој е во инвалидска количка. Народната мудрост ја потврдува и самиот Миле кој сака, може и има неизмерна енергија овој пат да реализира нов подвиг и со инвалидска количка, тргнувајќи од Битола, да стигне до Пекинг. Познато е дека во 2004 година тој со количка тргна од Прилеп и стигна во Атина на отворањето на Летните олимписки игри во Грција. Негова цел тогаш беше да собере средства за операција во странство по која лекарите му ветуваа дека ќе прооди.
Во април, годинава, Миле Стојкоски ќе тргне на пат за Кина и планира на 8 август да пристигне на отворањето на Летните олимписки игри во Пекинг. Но, сега тој има многу повозвишена мисија, по цена на своето здравје, откажувајќи се привремено од планираната операција сака да направи многу повеќе и на светската јавност да & го сврти вниманието на групата на луѓе на кои им припаѓа.
Поддршка во неговата мисија му даваат и Владата и хуманитарната организација „Венера” од Прилеп, која лично се заложи за успешното реализирање на донаторска конференција, на која бизнис-фирмите не покажаа голем интерес.
„Ние знаеме дека од нас зависи, а не од хендикепираните лица, колку ќе се вклучат тие во општественото живеење. Малку треба да се подзамислат сите бизнисмени, кои треба финансиски да го поддржат неговиот проект ’Пекинг 2008 година’. Срамота е што дозволуваме еден човек, кој се откажа од сопственото здравје, што требаше да му го донесе операцијата, да не добие поддршка од бизнисмените. Ние Миле Стојкоски го сметаме за народен херој”, вели актерот во спотот, Бубо Каров.
На својот пат Стојкоски ќе ја промовира Македонија со сите нејзини брендови, ќе се обиде да ги афирмира хендикепираните, а ќе ја реализира и мировната мисија со засадување дрвце на секои изминати 100 километри. Средствата од Фондот за помош на хендикепираните ќе бидат искористени за изградба на капитални објекти за нив. Идејата е да се подигнат болници, населби и објекти за ресоцијализација на овие лица.
С.К.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
