|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
Активности во проектот на ПДАС “Меѓаши” - Другарување преку меѓуетничка соработка
Мрежа на наставници за ненасилна разработка на конфликти
Првата детска амбасада во светот „Меѓаши”, во рамките на проектот „Другарување преку меѓуетничка соработка”, во 5 мултиетнички клуба во средни училишта во Скопје, во Тетово и во Куманово го организира првиот состанок за воспоставување мрежа на наставници за ненасилна разработка на конфликти.
На средбата учествуваа наставници од ДСМУ „Панче Караѓозов”, ДСУ „Цветан Димов”, ДСУ „Никола Карев” од Скопје, ДСМУ „Никола Штеин” од Тетово, ДСУ „Наце Буѓони” од Куманово, како и активисти од Детската амбасада „Меѓаши”, кои го имаат поминато тренингот за ненасилна разработка на конфликти.
Средбата имаше за цел да се формира мрежа или група индивидуалци за ненасилна разработка на конфликти, за зајакнување на процесот на промоција на заедничкиот соживот и за размена на искуства.
Во мрежата ќе бидат вклучени наставници, педагози и други лица кои учествувале на тренинзи за ненасилна разработка на конфликти или се заинтересирани за оваа проблематика. Учеството во мрежата е на волонтерска основа и без формалности, а Детската амбасада „Меѓаши” ќе има улога да ја иницира идејата и да ги организира првите состаноци, додека дните активности ќе бидат организирани од самите наставници. Средбата беше искористена за договор наставниците и учениците опфатени со проектот да земат учество на летната школа за човекови права организирана од Хелсиншкиот комитет за човекови права, како и за организирање заеднички летен камп за децата од нивните училишта.
Проектот „Другарување преку меѓуетничка соработка” предвидува развивање меѓуетнички дијалог и подобрување на соработката меѓу наставниците и средношколците од различно етничко потекло и зајакнување на капацитетите на 5-те мултиетнички клуба во 5-те средни училишта во Скопје, во Тетово и во Куманово.
Проектот е финансиран од Европската Унија преку Европската комисија во рамките на програмата „Европска иницијатива за демократија и човекови права”, а е поддржан од Министерството за образование - Управа за унапредување на јазиците на припадниците на малцинствата.
Втората средба за вмрежување е предвидена во септември, оваа година.
За повеќе информации обратете се на 02/2463-900, а лице за контакт е Митко Ѓоргиев, координатор на проекти.
Д.М.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
