|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
Во рамките на програмата за заштита на рисот
МЕД направи фотографии на балканскиот рис во националниот парк Маврово
Македонското еколошко друштво (МЕД) започна со реализација на втората фаза од „Програмата за закрепнување на балканскиот рис”, во која со употреба на само 4 „фотозамки”, успеа да направи фотографии од балканскиот рис за прв пат, не само во Македонија, туку и пошироко на Балканскиот Полуостров, со што се потврди дека балканскиот рис с$ уште постои во Македонија. Фотозамките се поставени во националниот парк „Маврово”, каде се верува дека е единствената локација каде с$ уште постои балканскиот рис. Апаратот е поврзан со топлински сензор кој ја регистрира телесната топлина на животните и го активира апаратот. Истражувањето започна во октомври минатата година и ќе трае до април годинава. Фотозамките се поставуваат на тесни шумски патишта, и тоа на места каде со сигурност се очекува да помине животното. Главната цел на проектот е да се сопре понатамошното намалување на популацијата на рисот во Македонија и да се обезбеди негов опстанок во постоечките и идните заштитени подрачја. Исто така, целта е да се собере целокупното знаење за да се оствари подолгорочна програма за заштита да се изградат капацитети кои ќе раководат со долгорочната програма, како и да се креира поволна атмосфера која ќе оди во прилог на заштитата на природата. Балканскиот рис е долг 80-105, а висок 80 сантиметри и тежок 14-36 килограми. Крзното му е најчесто дамчесто, но постојат и примероци без дамки. Најкарактеристичен детал се перничињата на ушите долги и до четири сантиметри. Во однос на другите претставници од видот, балканскиот рис е со помали димензии, крзното му е поинтензивно обоено од крзното на скандинавскиот рис, но во однос на карпатскиот рис, крзното му е помалку обоено и бројот на единки без дамки е значително поголем.
„Популацијата на рисот којашто се среќава во југозападниот дел на Балканскиот Полуостров, главно во Македонија и Албанија, е идентификувана како најзагрозена популација на рисот во цела Европа. Според процените на експертите, популацијата на балканскиот рис во Македонија брои 30-35 единки. Главни закани кон рисот во Македонија се криволовството, уништувањето и фрагментација на живеалиштата на рисот, малиот репродуктивен потенцијал и намалувањето на популациите на пленот на рисот”, вели Диме Меловски од МЕД.
По завршувањето на снимањето на рисот во природата, во рамките на проектот е предвиден и развој на национална мрежа за набљудување на рисот, активности за подигање на јавната свест, изготвување стратегија за закрепнување на популацијата на рисот и изготвување национален акциски план за рисот. Проектот се реализира во соработка со швајцарската организација КОРА, со германската организација ЕУРОНАТУР, со норвешката организација НИНА и со албанската организација ППНЕА.
С.Н.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
