|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
Коментар
Да го најдеме Тоше во нас
Утрото, 16 октомври, осамна со одек на страшната вест дека во сообраќајна несреќа во Хрватска загина нашиот Тоше Проески. По неговата смрт, заедно со интензивното „вртење” на неговата музика на сите електронски медиуми, беа правени низа рефлексии на неговиот живот и дело. На крајот на една таква телевизиска дебата до аудиториумот беше испратена, за мене, многу силна порака, „Да го најдеме Тоше во нас”.
Но, што поточно да бараме? Она што го вивна Тоше како музичка ѕвезда, неговиот вонсериски музички талент и ангелски глас, едногласно беше прогласено како ретко и неповторливо. Неговата верба во Бога?
Религиозноста е убедување поврзано со средината (и времето) во кое сме растеле и сме биле воспитувани. Приближувањето кон овие две димензии зависи од тоа како е „скроен” секој од нас.
Она што секако можеме да го бараме за да н$ поврзе со Тоше, не е прашање на дарба и верба во бога, туку многу повеќе, тоа е прашање на желба и труд. Желба преку сопствен несебичен ангажман и преку постојано дарување љубов, да се помогне таму каде што помошта е потребна за да се види светот и нашата Македонија како подобро место за живеење. Токму оваа негова мисија може да се идентификува и како мисија на граѓанскиот сектор, а заложбите на Тоше можат директно да се поврзат со вредностите кои треба да ги промовираат граѓанските организации.
Големата хумана димензија на Тоше беше нешто на што тој не беше обврзан, но беше предаден на желбата да им помогне на оние кои бараат помош. Тој дел од Тоше сигурно го носи секој од нас и можеме да го пронајдеме во себе. Неговата љубов кон човекот и сила за прошка, е модел како можат да се надминуваат недоразбирањата. Воспитанието и силната волја да се успее е исто така нешто кое можат да го научат луѓето, а особено младите.
Своето доблесно воспитание Тоше Проески го презентираше на секое место, во секое време и кон сите луѓе. Кажа „не” за сите пороци кои ги демнат младите, покажа како треба да се сака, почитува и промовира својата татковина...
И уште многу може да се каже за неговите доблести.
И токму тие постојано го осветлуваа неговиот пат, а ние кога ќе сакаме „да го најдеме Тоше во нас”, знаеме што треба да бараме, затоа што сигурно тие вредности тлеат кај секого, само треба да ги разгориме по примерот кој ни го даваше тој.
Сунчица Саздовска |
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
