|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
Босна и Херцеговина
Кампања за упис на ромските деца во училиште
Според резултатите од истражувањето „Скратена иднина? 2001-2006”, за правата на ромските деца во Босна и Херцеговина во образованието, што го објави „Спас за децата” (Саве тхе Цхилдрен УК) во 2006 година, во оваа земја с$ уште постои ромска заедница во којашто ниту едно дете не е вклучено во основното образование.
Спрема истото истражување, некои од факторите што придонесуваат за зголемувањето на бројот на запишани деца Роми во училиште е позитивниот став на родителите кон училиштето, запознавање со процедурите на запишување од една страна, како и поддршка на образовните власти, училиштето, како и пошироката општествена заедница, од друга страна.
Врз основа на овие наоди, „Спас за децата”, во рамките на спроведувањето на проектот „Унапредување на пристапот за образование на децата Роми во БиХ”, кој заеднички го финансираат со Европската комисија, покрена едномесечна кампања за запишување на децата Роми во основното училиште во Босна и Херцеговина. На 27 локации од поголемите градови во БиХ се поставени огромни постери со пораките: „Првиот чекор во иднината - училишната клупа: Овозможете ни да бидеме ученици!” и „Училиште за секое дете - секое дете во училиште: Поддржете н$ да го направиме тоа!” Сите пораки се двојазични и се испишани на босански/хрватски/српски и на ромски јазик.
Крајна цел на кампањата е со подигање на свеста за овој проблем кај родителите Роми и заедницата во целина, да се зголеми бројот на децата во училишните клупи во БиХ.
Г.Ш.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
