|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
Светски совет на црквите
Изјава на Извршниот комитет за Иран за нуклеарната пролиферација
Во признавањето на правото на Иран за нуклеарна технологија и материјал за мирољубиви цели меѓународната заедница треба да воспостави средство со коешто ќе му обезбеди одговорен пристап на Иран до гориво за нуклеарните реактори за генерирање енергија. Понатаму, бараме од меѓународната заедница да започне моментална и постојана меѓународна контрола на протокот на нуклеарно гориво во линија со генералните насоки предложени од страна на генералниот директор на ИАЕА, банка за гориво која ќе обезбедува гориво за цивилните реактори, освен ако не е наредено поинаку од страна на Советот за безбедност.
Згора на тоа, одлуката за тековната иранска нуклеарна контроверзија треба да вклучува обврски и механизми за започнување на решавањето на поголеми безбедносни прашања, посветување внимание на безбедносните потреби на Иран, чекори кон нормализирање на односите со САД и со други држави, особено со соседите, практични чекори кон остварување на меѓународно признаената цел за создавање зона ослободена од нуклеарно оружје - Средниот Исток, прифаќање и признавање на Израел од страна на Иран во границите од 1967 година и поддршка на Иран во напорите на меѓународната заедница да стави крај на насилството врз невооружени и невини цивили поради политички или религиозни цели.
Во своето барање Иран да го почитува интегритетот на сите земји и да се врати на целосно почитување на обврските кон ИАЕА, Светскиот совет на црквите има предвид дека и другите земји исто така сериозно ги нарушуваат своите земји за непролиферација и нуклеарно разоружување. Петте земји коишто го имаат потпишано НПТ и коишто поседуваат нуклеарно оружје, с$ уште не ги спровеле 13-те практични чекори за разоружување договорени на Конференцијата за преглед на НПТ во 2000 година, особено нивното „недвосмислено залагање… за целосно уништување на нивниот нуклеарен арсенал што би довело до нуклеарно разоружување, нешто на коешто според членот ВИ се обврзуваат сите земји”. Индија, Израел и Пакистан остануваат надвор од договорот, додека Демократска Република Кореја се повлече од него.
Извршен комитет на Светскиот ковет на црквите, средба во Базел, Швајцарија, 16-19 мај 2006 година:
1 Ја советува Владата на Иран целосно да ги почитува директивите и барањата на ИАЕА и Советот за безбедност, како и да соработува со нив.
2 Го поздравува консистентното откажување од страна на Иран од каква и да е намера да го зголеми со оружје својот нуклеарен капацитет и од него бара да ги преземе сите мерки и чекори неопходни за уверување на меѓународната заедница дека постапува во согласност со своето ветување.
3 Апелира до САД уште еднаш да го потврдат своето целосно придржување кон ветувањето од 1995 година, потврдено со Резолуцијата 984 на Советот за безбедност, никогаш да не користи ниту да се заканува дека ќе користи нуклеарно оружје против земја потписничка на НПТ, според јасните услови на ветувањето.
4 Ја замолува меѓународната заедница, а особено членовите на Советот за безбедност при ОН, да ја разрешат контроверзијата во врска со нуклеарната програма на Иран со помош на мултилатерални дипломатски средства, наедно и со зајакнување на капацитетот за инспекција на АЕА.
5 Го повторуваме нашето барање упатено до петте земји коишто поседуваат нуклеарно оружје и се потписнички на НПТ да ги забрзаат своите напори за неповратно намалување и во крајна линија уништување на нивниот нуклеарен арсенал, како што е наложено во членот ВИ од Договорот, да се воздржат од сите истражувања и експерименти поврзани со усовршување нови типови нуклеарно оружје.
6 Бараме од Идија, од Израел и од Пакистан - трите земји коишто се с$ уште надвор од НПТ, да обрнат внимание на постојаните барања од страна на меѓународната заедница да се приклучат кон Договорот за нуклеарна непролиферација (НПТ) како земји коишто не користат нуклеарно оружје, како што се нагласува во Резолуцијата на Генералното собрание на ОН од 2005 година (А/Ц.1/60/Л/4) „веднаш и безусловно”. Наедно, бараме и Демократска Република Кореја повторно да се приклучи кон Договорот како земја којашто потврдува дека не користи нуклеарно оружје.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
