ГОДИШНИНА НА ООН

60 години промоција на мирот и благосостојбата 

Организацијата на Обединетите нации годинава про­сла­ву­ва шест децении од своето постоење. Прославата, со раз­лични активности, започнува во јуни и трае до сеп­тем­ври оваа година. Централната манифестација во средината на септември ќе ги промовира Ми­ле­ни­у­м­ските развојни цели, како патоказ за глобална акција на човештвото за решавање на клучните про­бле­ми што ја засегаат целокупната светска по­пу­лација, опстанокот и одржливиот развој на пла­не­та­та Земја.

Процесот наречен Милениумски развојни цели, ООН го иницира на Светскиот милениумски самит, пред пет години, со цел да се изгради подобар и побезбеден свет за идното столетие, преку колективна безбедност и глобално партнерство за развој. Беше зацртан планот до 2015 година да се постигнат амбициозните глобални цели – од намалување на екстремната сиромаштија, преку редуцирање на болестите како СИДА, па с$ до обезбедувањето универзална примарна едука­ци­ја.

Оваа година, истовремено, ООН ја прославува и го­диш­­нината од раѓањето (1905) на поранешниот ге­нерален секретар на Организацијата, Даг Ха­мер­сколд. Можеби во духот на прославата на две­те годишнини, е добро да се потсетиме на не­го­вите зборови од една официјална средба во 1956-тата година: “Јас не се сомневам дека и по 40 години од денешниов ден ќе бидеме ангажирани за постигнување на истите цели. Како можеме да очекуваме да биде поинаку? Светската организација е с$ уште една нова авантура во историјата на човештвото”. М.И.