Календар   8 март: За свет на еднакви Светскиот ден на жената, прифатен ширум планетата, е ден кој се слави по предлог на Клара Цеткин, германската рево­луцио­нерка, борец за социјална правда и ед­наквост меѓу половите. На нејзин предлог, во далечната 1810 година, на Меѓу­народ­на­та конференција на жените во Копен­хаген, Данска, осми март е прогласен за меѓународен ден на жената. Оттогаш, тоа е ден кога жените, а со нив и се повеќе мажи, се борат против потлаченоста на жените ширум светот, за еден поправеден свет на еднакви.   21 март: Денови на пролетта и на животната средина На денот кој календарски го означува почетокот на пролетта, стартуваат и дено­вите посветени на животната сре­­­­ди­на во Маке­до­нија. Деновите на животната сре­дина се одбе­ле­жу­ваат по ини­цијатива на чле­но­вите на “зеле­ното” движење во Македонија од скопската рубрика на “Нова Македонија”, а нив ги прифати и Министерството за животна средина и повеќе претпријатија, локални самоуправи, училишта. Се обележуваат со акции на чистење и уредување, изложби, претстави, дебати…   22 март: Светски ден на водата Светскиот ден на водата е прогласен од Организацијата на обединетите нации. Тоа е ден во кој светската популација се потсетува колку е зависна од основниот животен ресурс, а истовремено, колку е тој, за жал, загрозен. Водата за пиење се повеќе се намалува или станува неупотреблива а со тоа човештвото станува посиромашно и позагрозено. Ова е ден на светска акција за заштита на течноста која што значи живот.   26-29 март: Семинар „Оформување на иднината на Европа“ Германската фондација Конрад Аденауер и Делегацијата на Европската комисија во Скопје организираат семинар за млади луѓе со наслов “Оформување на иднината на Европа”.