Републички извиднички ориентациски натпревар

Во Пелинце извидниците се дружеа и натпреваруваа

Сојузот на извидниците на Македонија годинава, како и во изминатите 10 години наназад и годинава го организираше Републичкиот извиднички ориентациски натпревар - РИОН, врв на извидничките натпреварувања, каде извидниците имаат можност да ги покажат своите познавања во ориентацијата и снаоѓањето во природа. 

Натпреварот е одржан во селото Пе­лин­це од 7 до 10 октомври, а негов домаќин беше локалниот извиднички одред “Скаут” од Куманово, а учествуваа 120 извидници од цела  Македонија. Тие во селото  изградија камп каде што престојуваа, се дружеа и се натпреваруваа 4 дена.

Датумот и местото не беа одбрани слу­чај­но, тие се поклопуваа со државниот праз­ник 11 Октомври, кој извидниците го одбележаа и со посета на новиот ме­мо­ријален центар во селото Пелинце, каде што на свечен начин е и отворен натпреварот.   

К.Б.