ДРУШТВО ЗА МАКЕДОНСКО-ГЕРМАНСКО ПРИЈАТЕЛСТВО И СОРАБОТКА Новогодишна средба Друштвото за македонско-германско пријателство и соработка од Скопје на 21 декември 2004 година организираше новогодишно-божиќна средба во Даут-пашиниот амам во Скопје. На оваа средба беше претставена видеопрезентација со наслов “Творештвото на Мунк, Кирхнер и Ернтс – од ек­спресионизмот до суреализмот во Германија”, подготвена од Илина Арсова, со асистенција на Елена Николова. Беше одржана и музичка вечер со Љубиша Кировски, виолина, и Јован Каровски, пијано. Програмата опфати композиции на класични и современи интернационални автори. Друштвото активно работи на промоција на германската култура во Македонија, но и на македонската во Гер­манија. М.И.