Светскиот форум бара решенија за војната и сиромаштијата Отпор кон глобалната доминација на мултинационалните корпорации Програмата овој пат беше повеќе насочена кон поблиска соработка со грасрут-организаторите, наместо да се потпре на етаблираното раководство на форумот  ПОРТО АЛЕГРЕ, Бразил – Дури и пред официјалното отворање на Петтиот Светски социјален форум на 26 јануари, градот “вриеше” од активисти за мир и правда, синдикалци, органи­за­то­ри од заедниците, како и младинци и студенти од сите пет континенти. Ре­диците за пријавување на Светскиот социјален форум се одликуваа со разновидност на бои и возрасти. Имаше големо присуство на млади лу­ѓе и можеше да се чујат најмалку шест јазици во исто време. Пер­со­нал­от и волонтерите ја вршеа регистрацијата брзо, што беше добро со оглед на тоа дека се предвидуваше присуство на околу сто илјади учес­ници. Форумот се одвива во време кога во Јужна Америка се слу­чу­ваат длабоки промени, особено во Венецуела, Уругвај, Бразил, Боливија и Аргентина. Венецуелската “Боливанска револуција” предводена од прет­­седателот Хуго Чавес е најдраматичниот пример на отпорот на кон­ти­нентот кон странската експлоатација и неолибералните економски по­литики, како на пример американски-инспирираната “Слободна трговска зона на двете Америки”.Форумот се одвива во сенка на ката­стро­фалните цунами од југоисточна Азија кои пре­д­и­зви­каа смрт на повеќе од 150.000 луѓе и оставија зад себе милиони бездомници и сиро­машни. Организаторите на форумот најавија специјална кампања која ќе се одвива тука за “целосно, итно и безусловно укинување на долгот” за 11 земји од Азија и Африка по­го­дени од цунамите. Кампањата е предводена од групи како, на пример, Јужната јубилејна мре­жа и Комитетот за укинување на долгот на третиот свет. Форумот исто така се случува набрзо по инаугурацијата на претседателот Џорџ В. Буш, чии политики за превентивна војна, илегална оку­пација на Ирак, измачувања и неконтролирани воени тро­шо­ци предизвикаа бројни демо­н­стр­ации за мир и правда во це­ли­от свет, вклучително и планира­ниот Меѓународен ден за акција за мир кој треба да се случи на 19 март. “Заедно за мир и правда” е коалиција од американски групи која е меѓу оние учесници на форумот што се залагаат за координирана акција во целиот свет за “зауздување” на воените акции на Бушовата администрација. Светскиот социјален форум е основан во 2001 година кога 20.000 учесници од 117 земји се собраа речиси спонтано да го искажат својот отпор кон капиталистичката глобализација. Тој бројно растеше секоја година. По три години по ред во Порто Алегре, минатогодишниот се одржа во Бомбај, Индија, а учество зедоа околу 111.000 учесници од 123 земји. Оваа година, форумот се одржува од 26 до 31 јануари.  Форум се нарекува себеси “отворено место каде што групите и дви­же­ња­та на граѓанското општество – противници на неолиберализмот и светот доминиран од каков било вид империјализам…. се состануваат/собираат да ги спроведат своите мислења, да дискутираат за своите идеи на демократски начин, да изготвуваат предлози… и да се вмре­жу­ваат за заедничко дејствување”.  Оваа година, форумот е организиран околу 11 основни “тематски терени”: одбрана на Планетата и на луѓето кои живеат на неа од транснационално; креирање на човековата умет­ност; изградба на слободни медиуми; одбрана на разликите, заштита на човековите права, бранење на суверенитетот на националните еко­но­мии; развивање глобален морал; борба против неолибералната доминација; промовирање на мирот; отпор кон апропријацијата на зна­е­њ­ето за профит; и, изградба на нов, демократски поредок. Учесниците имаат избор од повеќе од 2.000 активности, вклучувајќи панел-ди­с­ку­сии, собири, културни екстравагантности, дебати, специјални т.н. “тематски шатори” (за локални луѓе, луѓе со африканско потекло, Палестинци, луѓе од Куба и Венецуела, екуменска соработка) и стотици изложби.  Раководното тело на форумот, Меѓународниот совет, вклучува претставници од светското работничко движење, како на пример АФЛ-ЦИО и широк ранг на групи кои се борат за човекови права, мир, заш­ти­та на животната средина, млади и жени.  Како и изминатите години, го­лем број учесници, илјадници од нив, се очекуваат да пристигнат од САД. Меѓу нив има активисти од синдикатите, активисти за мир и правда, за животна средина, академици и избрани службени лица. Деле­га­цијата на Бразил се очекува да биде најбројна.  Форумот традиционално се одржува во исто вре­ме со Светскиот економски форум, кој пак се одвива на луксузна локација во Давос, Швај­ца­рија, каде што светската финансиска и биз­нис-елита изготвува економски планови и да­ва изјави за светските проблеми. Спротивно на тој свет на експлоатација и угнетување, Свет­ски­от социјален форум ги инспирира своите следбеници со слоганот “Поинаков свет е воз­можен”. Оваа година, форумот доживува голем број иновации. Делумно како одговор на кри­ти­ките дека на претходните средби при­сус­тву­ваа претежно претставници на поедуцирана елита (освен во Бомбај, каде што имаше пого­ле­мо присуство на работничката класа и сиромашните), главното место на одржување на активностите се премести од Католичкиот уни­верзитет на Порто Алегре на “Светската соци­јална територија”, големо земјено прос­тран­ство долж реката Гваиба. Исто така, програмата овој пат беше повеќе насочена кон поблиска соработка со грасрут-организаторите, наместо да се потпре на етаблираното рако­вод­ство на форумот. Згора на тоа, 11-те “тематски терени” беа експлицитно насочени кон подобрување на можностите за конкретна светска акција, која не би останала само на зборови.  Јасно е дека светските народи не остануваат пасивни пред многуте глобални про­блеми со кои се соочени. Светскиот социјален форум ја отсликува с$ по­големата загриженост и отпор кон глобалната доминација на пла­не­тата од страна на мултинационалните корпорации и најверојатно ќе понуди нови предлози и најдобри насоки за иднината.