Албанија
Од загаден воздух во Албанија годишно умираат 200 лица
Светската здравствена организација соопшти дека Албанија е една од најзагадените земји на светот и дека загадениот воздух предизвикува смртност на околу 200 лица годишно, најмногу во Тирана.
Во една студија на организацијата, стои дека нивото на загаденост на воздухот во главниот град е повисоко отколку што дозволуваат меѓународните стандарди и стандардите на ЕУ, намалувајќи го животниот век и доведувајќи го во опасност животот на голем број луѓе, особено на децата.
Светската здравствена организација смета дека преголемото загадување на воздухот во Албанија е предизвикано од евтиното гориво кое се употребува за старите и употребени возила. Организацијата ја повикува Албанија да преземе мерки за намалување на нивото на загадувањето.
извор: Онењорлд
Г.Ш.
|