Европска куќа Скопје

Промоција на европските вредности во Македонија

Европска куќа Скопје е невладина организација основана во 1999 година, отворена за јавноста и за се­кој граѓанин кој придонесува за промоција на европските вред­ности во Македонија и за афи­р­мирање на македонските вредности и култура надвор од зем­јава.
Таа ја гледа Маке­до­нија како рамноправен член на Европ­ската Унија и затоа нејзината ми­си­ја е промоција на европ­ските вредности, уна­предување и развој на цивилното општество, на де­мок­ратските процеси на уредување, промоција на одржлив развој на локалните заедници и на нова култура на промена и справување со конфликти.

Европска куќа активно работи на артикулација и развој на вредностите на цивилното општество, на  раз­вој на одржливи НВО и локални заедници, на  развој на отворен фо­рум на граѓани и организации на лока­лно, регионално и национал­но ниво, со цел водење дијалог, раз­ме­на на информации, унапредува­ње на меѓусебното разбирање, соли­дарност, соработка, комуникација итн. Нејзините активности се реализираат преку младински  клуб, клуб на волонтери, форум за одржлив развој, за култура и уметност, еколошки форум, форум за политички прашања, за регионална соработка,  за економски прашања, форум за етнички прашања.

Стратешка определба на Европска куќа во периодот 2004-2006 год. е евро­интегра­цискиот процес на Македонија. Идејата на Европска куќа е преку серија работилници, кои ќе се одржат во претприемни­от период, да собере искуства од новите полноправни членки на Европската Унија  Секоја од рабо­тилниците што ќе стартуваат во ноември 2004 ќе разработува различни аспекти од претприемниот период, како што се: производство, економска  структура, ”кноњ-хоњ”- работи, образовна структура, регионална  соработка и развој, пазар­на  интеграција итн. 

Од септември 2004 година Европска куќа ќе започне да го реализира и интернационалниот проект ”Европа во школо”, а годинава започнува со проектот ”Граѓаните за подобра локална самоуправа”,  кој треба да  даде придонес за процесот на децентрализација во Македонија.

 

Контакт:
тел. 02/3062-805 европскаЖон.нет.мк

хттп://ехс.орг.мк