Регионална соработка

Засилување на граѓанското општество на Балканот

 

Третата средба за партнерство на мрежата Хаб за градење капацитети се одвиваше во Фекетиќ, во близина на Нови Сад, Србија и Црна Гора, од 19 до 21 декември 2003 г. Средбата се одржа во центрите за обука на Екуменската хуманитарна организација ЕХО (Leunberg home), домаќин на средбата. Седум од 13-те партнерски организации се собраа да изготват акциски план за нивните активности во 2004 г. 

Мрежата Хаб за градење капацитети е мрежа на 13 црковни и граѓански организации од 6 земји и територии во Југоисточна Евопа (Албанија - Diaconia Agepas, Albanian Civil Society Foundation), Бугарија – (WAD, Pokrov Foundation), Хрватска – (NIT, EOS), Македонија - МЦМС, Романија – (AIDRom, Opportunity Associates), Србија и Црна Гора (вклучително и Косово) – (EHO, Philanthropy, We are With You). Мрежата има за цел да се грижи за координацијата и мрежното работење на активностите од една страна и да го користи тој ресурс во граѓанските организации и екуменските партнерства во Југоисточна Европа, како придонес кон трајниот мир и стабилноста во регионот. Мрежата се грижи за релевантни, ефективни, достапни, пристапни и одржливи пакети на услуги за градење на капацитетите. Повеќе информации за мрежата и нејзините активности ќе добиете на http://217.16.71.243/default-en.asp. 

Т.Х.