Подобрување на општествениот статус на жените Ромки во Албанија

Напредок преку образование и стекнување претприемнички вештини

Во областа Корча во Албанија е во тек реализација на проект за подобрување на оп­штес­тве­ниот статус на жените Ромки преку процесот на образование и активностите за генерирање приходи. Целта на неговото реализирање е под­обрување на образованието на Ромките, подигнување на нивната свест и обука за стекнување претприемнички вештини. Главните проблеми на ромската заедница се ви­сокиот степен на невработеност, неадекватните домо­ви и неисхранетоста, како и недостатокот од здравствена грижа и низок  степен на образование.

Во контекст на овој проект, Албанската фондација за гра­ѓанско општество - АЦСФ ги реализира следниве активности:

- Тркалезни маси со претставници од ромските непрофитни организации (НПО), со локалната власт и останатите НПО, кои дејствуваат на тоа поле, со цел да се идентификуваат проблемите на ромската заедница и да се дискутира за можностите за соработка и заедничка помош што ќе доведе до намалување на постоечките проблеми; 
-     Неформални средби со жени Ромки на кои се разговара за нивните потреби, за економската ситуација,  за нивните семејства;
-     50 жени пополниле прашалници за состојбата со нивните домаќинства и домови, со образованието на нивните деца, со економската ситуација и со нивните потреби од обука за започнување мали бизниси; 
-      Врз база на прашалниците и истражувањето е избрана група од 25 жени на кои им е испорачана обука за претприемништво со мали бизниси;
-      За време на обуките со жените организирани со  цел да се поттикне и обнови традицијата на рачни изработки во ромската заедница, како што е традицијата на плетење сламени производи, но и за подобрување на нив­ниот општествен статус пре­ку активности за генерирање приходи, се идентифику­вани 20 жени кои поседуваат вештини за рачна изработка. На ромски бизнисмен му е даден кредит со камата од 3% за изработка на најразлични кошници, под услов на по­че­токот да  вработи  20 жени, а потоа да продолжи да вработува и други.  Во Тирана е отворена и изложба на неговите производи, која траела една недела и која ја виделе голем број бизнисмени и останати граѓани.