Кампања на РГПЛИ
Гласај за природата!
Под мотото “Гласај за природата”, Работната група за позеленување на локалните избори (РГПЛИ) спроведува јавна и непартиска кампања за време на локалните избори со цел да ги актуелизира приоритетните прашања од животната средина значајни за локалните заедници. Според координаторот на РГПЛИ, Методија Саздовски, потребата за кампањата се јавува како резултат на процесот на децентрализација, преку кој голем дел од надлежностите за заштита и унапредување на животната средина се пренесува на локалните самоуправи.
Целта на на РГПЛИ е да ги информира гласачите за зголемените надлежности на локалните власти во областа на животната средина, како и нивно мотивирање да започнат со поттикнување дебата за еколошките прашања за време на кампањата и последователно да го продолжат процесот во кој ќе влијаат кај локалните политичари за остварување на претходно ветеното. Исто така, ќе се залагаат за мотивирање на кандидатите за градоначалници и советници прашањата од животната средина да бидат повеќе застапени во нивната политичка агенда. Долгорочната цел на РГПЛИ е насочена кон промовирање на конкретните демократски алатки со кои граѓаните поактивно ќе учествуваат во процесот на демократско носење одлуки.
Кампањата за позеленување на локалните избори, финансиски поддржана од холандската фондација Милиеуконтакт оост Еуропа, се одвива на локално и на национално ниво. На локално ниво се вклучени партнерските организации Еко-свест и Проектива од Скопје, Биосфера од Битола, И.П.О Крсте Јон/Зелен центар од Струга, ЕД Планетум од Струмица, ЕД Брица од Берово и ЕД Кладенец од Пехчево. Тие преку конкретни активности на теренот ќе дејствуваат во своите општини. На национално ниво РГПЛИ ќе ја игра улогата на координатор на сите локални кампањи и ќе овозможи медиумска и логистичка поддршка на истите.
За сите активности поврзани со кампањата за позеленување на локалните избори можете да се информирате на:
њњњ.зелени.орг.мк, или по пат на е-маил: зелениЖзелени.орг.мк
С.Т.
|
|