Глобален еколошки фонд Македонија вклучена во Програмата за мали грантови “Апликацијата за вклучување на Ре­пуб­лика Маке­до­нија во Про­гра­ма­та за мали грантови на Глобалниот еко­лош­ки фонд, доставена од Минис­тер­ство­то за животна средина и просторно пла­ни­рање преку постојаниот прет­став­ник на Програмата за развој на Обе­ди­не­ти нации (УНДП), е прифатена”, извести на почетокот на годинава, канцеларијата за развој на Обединетите нации. Во пери­о­дот кој следува, треба да биде избран на­ционален координатор и да се фор­ми­ра национален комитет, со што ќе се прист­апи кон подготовка на Нацио­нал­на­та стратегија на Македонија во оваа сфе­ра. Повикот за грантови ќе биде обја­вен во првата половина на годинава. Глобалниот еколошки фонд е основан во 1991 година за да им помага на земјите  во развој во финансирање  на проектите и програмите  за заштита на животната средина. Тој  им одобрува поддршка на проектите  поврзани со биодиверзитетот, климатските промени, меѓународните во­ди, деградацијата на земјиштето,  озон­ската обвивка и перманентните органски  загадувачи. ГЕФ е независна финансиска организација која обезбедува грантови за животната средина и за промовирање на одржливиот развој. Почнувајќи од 1991 година се обезбедени 4,5 мили­јар­ди долари во грантови, а се собрани 14,5 милијарди долари во кофинансирање  со други партнери,  во проектите во земјите во развој и земјите што се наоѓаат во економска транзиција. Во 2002 година 32 земји донатори, вклу­чени во ГЕФ, ветиле 3 милијарди долари за финансирање на планираните актив­нос­ти во  периодот од 2002 до 2006 го­ди­на.      К.Б