Град Скопје Јавен повик Предвидени 1.200.000 денари за финансирање на програмски активности на здруженија на граѓани и фондации Распределбата на средствата од Буџетот на Град Скопје за 2008 година, наменети за финансирање на програмските активности на здруженија на граѓани и фондации, ќе се врши согласно Кодексот на добри практики за финансиска поддршка на здруженија на граѓани и фондации, врз основа на Стратегијата на Град Скопје и Акцискиот план за соработка со граѓанските здруженија.  Предвидени се вкупно 1.200.000 денари за финансирање на програмските активности на здруженијата на граѓани и фондации. Средствата ќе се доделуваат еднократно и тоа за период до крајот на 2008 година. Рок за поднесување на пријавите е најдоцна до 21.07.2008 година. Пријавата со целокупната документација треба да се достави преку пошта, на адреса: Град Скопје, Одделение за соработка и поддршка на здруженија на граѓани и фондации , бул. “Илинденска“ бб , 1000 Скопје или во архивата на Град Скопје до 16 часот (со назнака - Одделение за соработка и поддршка на здруженија на граѓани и фондации – Пријава за оглас).  Подетални информации ќе најдете на http://www.skopje.gov.mk/DesktopDefault.aspx?tabindex=0&tabid=333