Последно издание Контакт Нарачка преку e-mail
Архива
Коментар
Настани
Граѓанско општество
Деца
Студенти
Здравство
Животна средина
Календар
Прашања и одговори
Балкан-експрес
Европа
Свет
Тема
Репортажа
Интервју
Погледи
Претставување
Публикации
Историјат на граѓанското општество
Луѓе
Мобилизација на ресурси
Искуства од регионот
Избор
Прва страница
Документи и публикации
Документи
Извештаи
Публикации
Водичи
НВО САЕМ
Настани
Галерија
Архива
Архива на онлајн вести
2003
2004
2005
2006
2007
2008
Адресари
Луѓе од граганскиот сектор
Проекти на граѓанските организации во Македонија
Адресар на верските заедници во РМ
Адресар на граѓанските организации во Македонија
Адресар на општини во Република Македонија
Билтен на МЦМС
Билтен за меѓурелигиска соработка
Перспективи
Граѓански практики
Контакт






ONLINE ВЕРЗИЈА
ПЕЧАТЕНА ВЕРЗИЈА

  Искуства од регионот

Балканот каска зад европските барања

Поголемо учество на невладините организации во креирањето политики е пораката испратена од регионалната конференција “Владината соработка со граѓанскиот сектор”, која на 4 март се одржа во Скопје. Конференцијата ја организира Одделението за соработка со невладините организации на македонската влада, со финансиска поддршка на Институтот Отворено општество - Македонија и Македонскиот центар за меѓународна соработка, а на неа зедоа учество претставници од повеќе земји од регионот, меѓу кои домаќинот-Македонија, потоа Србија, Албанија, Хрватска, Словенија и Црна Гора. Заедничка оценка на сите нив е дека е потребно да се засили соработката на граѓанските здруженија со владите во регионот со цел тие да имаат поголем удел во носењето на законските регулативи и креирањето на јавните политики. Учесниците на конференцијата се согласија дека партнерството на граѓанскиот сектор со владините тела е посебно важно за развој на фундаменталните демократски вредности на секоја земја.

На регионалната средба, Словенија и Хрватска, кои важат за шампиони од ова област, ја потенцираа активната соработка меѓу невладините организации и владата преку посебни веб-портали. Според претставничката од Словенија, Сега Полонца, од Министерството за јавна администрација, невладините организации во Словенија се активно вклучени во носењето закони преку концептот на Е-влада. “Кај нас постои законска одредба според која секој закон пред да влезе во владина процедура мора да помине низ граѓанскиот сектор”, нагласува Полонца и вели дека во оваа земја постои проблем со кусиот временски период при носењето на законите. Со овој проблем се соочува и Хрватска.

“Во моментов развиваме кодекс на добрата пракса за советување меѓу државата и граѓанското општество. Со него сакаме да воспоставиме нови стандарди, а тоа е при усвојувањето на новите закони да воспоставиме доволно време за коментари. Сметаме дека тоа е многу важно за да осигураме тие закони да бидат многу квалитетни”, вели Игор Видачак, претставник од владиното тело на Хрватска за соработка со граѓанските здруженија. Црна Гора, за разлика од своите соседи, може да се пофали со позитивно искуство со финансирање на невладините организации од приходите од игрите на среќа. “Кај нас при крајот на минатата година беа извршени измени на законот за игрите на среќа и со тие измени  е предвидено 75 отсто од добивките на оној дел предвиден за невладините и за другите организации да оди на проекти за невладините организации”, вели Данка Латковиќ, шефица на Канцеларијата за соработка со невладините организации во Генералниот секретаријат на Црна Гора. Според неа, во последно време невладините организации учествуваат во работата на работните тела кои ги менуваат законите. Невладините организации во Албанија, според Јули Аслани, од владиното тело за соработа со невладиниот сектор, имаат право да развијат и економска активност, да користат јавни фондови и да профитираат. “Во кодексот на процедури на Советот на министрите стои дека мислењата на невладините организации треба да бидат земени предвид кога се носат законите. Тие нема да поминат во парламентот ако мислењето и препораките на невладините организации не се земат предвид”, вели Аслани, советник на премиерот.

Во моментов, македонското искуство не може да се спореди со хрватското или со словенечкото каде невладините организации имаат голем удел во креирањето на јавните политики и активно учествуваат во носењето на законите. “Очекуваме дека набргу Владата ќе направи измени и во Деловникот за работа каде што ќе биде возможно мислењата на граѓанските организации да бидат вклучени во најраната фаза на подготовка на законите дури се во владиниот кабинет. Така поконструктивно ќе успееме да влијаеме на некои од законските решенија”, смета Сашо Клековски, извршен директор во Македонскиот центар за меѓунардна соработка. Тој се надева дека Владата ќе го примени црногорското искуство. “Ние имаме една тенденција на ограничување на средствата од лотарија за социјално-хуманитарни и други слични цели, иако приходите од лотарија растат, а луѓето трошат повеќе средства за лотарија, коцка и обложување. Ние мора многу повеќе пари од коцката да вратиме назад до групите кои имаат потреба од тоа”, смета Клековски. Од невладините организации се задоволни што Владата годинава воспоставила потранспарентни критериуми за финансирање од државниот буџет, од кој за невладините организации се издвојуваат 15 милиони денари.  Во моментов во Македонија има околу 6.000 невладини организации, од кои активни се само 1.500, а над 50 отсто од невладините организации се лоцирани во Скопје. Нивниот удел во носењето на законите досега беше само инцидентен, иако претставниците од Владата потенцираат дека е изменет Деловникот за работа што ќе овозможи секој граѓанин на владината веб-страница да даде свои сугестии и забелешки за секој пропис.

Ж. Ѓ.
Линкови
Граѓански организации и фондации
Медиуми
Институции
Регион и свет
Странски организации и претставништва во РМ
Сервиси
Огласи за обуки
Слободни работни места
Конкурси
























НОВОСТИ
Крај на почетокот
Тоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
Кампањата “Учиме за ЕУ”
Прашањето за уставното име на Македонија го засени интересот за Унијата
Што е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука.
Реализирана најголемата еколошка акција кај нас
Македонија засади над два милиони садници
Над 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други.
Катерина Хаџи-Мицева
Кодекси на добро однесување
Кодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот
Граѓанска организација Англунипе - Тетово
Факултативната настава на ромски јазик - препознатлива активност
Граѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка
Донација
Нов парк од Космофон за штитениците на заводот во Демир Капија
Специјалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило
Проект на Биосфера од Битола
Уреден дворот на Домот за доенчиња и мали деца
Во изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола
Еколозите против нанотехнологијата во прехранбената индустрија
Еколошката групација “Пријатели на планетата Земја” (ФОЕ) повика да се воведе мораториум на користењето на нанотехнологијата во прехранбениот синџир, укажувајќи дека недоволно е истражено влијанието врз човековото здравје и природната средина
 

©MCMS - designed by KOMA